თბილისის ოლიმპიურ სასახლეში ბიზნესის ჩემპიონთა ლიგის თასმა სტარტი ნატახტარისა და McGill-ს დაპირისპირებით აიღო. მატჩი ნატახტარის გამარჯვებით ანგარიშით 6:4  დასრულდა.  დაძაბულ და  სანახაობრივ შეხვედრაში  გამარჯვებული გუნდის რიგებიდან ჰეთ-რიკი ნატახტარის  მოთამაშემ ლაშა თურმანიძემ შეასრულა, დუბლი გელა ჯინჭარაშვილმა გაიფორმა , ერთი ბურთი კი გიორგი მშვიდობაძის ანგარიშზეა.მომდევნო ეტაპზე გასული გუნდის ვინაობას, ერთ მატჩიანი დაპირისპირება წყვეტს, შესაბამისად McGill-ი გათამაშებას გამოეთიშა.

Sbm.ge   გთავაზობთ მატჩის შემდგომ კომენტარს:

ლაშა თურმანიძე, ნატახტარი: „ძალიან დაძაბული და ამავე დროს  სანახაობრივი თამაში გამოვიდა, ბევრი გოლი იხილა  მაყურებელმა, ძალიან დიდი სურვილი გვაქვს  ლიგის  თასი გამარჯვებით დავასრულოთ,კარგი მეტოქე გვყავდა McGill-ის სახით, დღევანდელი შეხვედრა ფიზიკური მომზადების ხარჯზე  მოვიგეთ, მეტი ვირბინეთ და მოხარული ვარ, რომ მოვახერხეთ გამარჯვება."

ლიგის  თასის გათამაშებაში,  სუპერლიგის 8, ოქროს  ლიგის 5, ვერცხლის ლიგის 2 და  ბრინჯაოს ლიგის 1 გუნდი იღებს მონაწილეობას.

კენჭისყრის შედეგად, გუნდები ბრმა წილისყრით 1/8 ფინალში დაწყვილდნენ. ლიგის თასის სხვა  შეხვედრებში ვითიბი აჭარაბეთს, პსპ  საქართველოს ფოსტას, თბილისის სატრანსპორტო კომპანია  ტვ იმედს, არმია  SSPS-ს,  პატრული კი ბაქსვუდს დაუსპირისპირდება.

დღევანდელი სათამაშო დღე საკვალიფიკაციო ლიგის მატჩით დაიწყო კავკასუს ავტო იმპორტის გუნდი ბეთლაივს დაუპირისპირდა და ანგარიშით 5:1 სძლია. ბრინჯაოს ლიგის ¼ ფინალურ დაპირისპირებაში კი  შემდეგი ეტაპის საგზური ICR მოიპოვა, რომელმაც ზოომარტ ფიტნეს სთორს 7 მეტრიანი დარტყმების  სერიაში 1:0 მოუგო.