ბიზნესის ჩემპიონთა ლიგაში სათამაშო დღე ოქროს ლიგის მერვე ტურის შეხვედრით დასრულდა. ერთმანეთს არმია და შემოსავლების სასახურის გუნდი დაუპირისპირდა. „ძალოსნებმა“ მეექვსე წუთზე ლაშა ფოფხაძის გოლით შეძლეს დაწინაურება. მეორე ტაიმში კი RS-მა ვალერიან გუგეშაშვილის დახმარებით ანგარიში გაათანაბრა. მატჩის დარჩენილ დროში ორივე გუნდს ჰქონდა წინ გასვლის მცდელობები, მაგრამ უშედეგოდ. საბოლოო ანგარიში 1:1 დაფიქსირდა. გუნდების დაპირისპირება პირველ წრეშიც ანალოგიური შედეგით დამთავრდა.

ტურის პირველ მატჩში ბაქსვუდი SSPS-ს შეხვდა და დაძაბულ ბრძოლაში მინიმალური სხვაობით 2:1 დამარცხდა. თამაზ შუბითიძის გოლს ბაქსვუდის რიგებიდან თორნიკე ბახტაძემ უპასუხა. თამაშის ბედი მეშვიდე წუთზე დიეგო ლობჟანიძის გატანილმა გოლმა გადაწყვიტა. შეგახსენებთ, რომ მესამე ტურში გამართულ შეხვედრაში ბაქსვუდმა დამაჯერებელი ანაგარიშით 7:3 იმარჯვა.

ოქროს ლიგის მეცხრე ტური 24 მარტს თბილისის ოლიმპიურ სასახლეში RS-სა და პატრულის დაპირისპირებით დაიწყება.