თბილისის ოლიმპურ სასახლეში ბიზნესის ჩემპიონთა ლიგის 2018/19 წლების  სეზონის მეორე  ტურის შეხვედრები მიმდინარეობს, რომელშიც  ერთმანეთს   ვერცხლის ლიგისა და სუპერლიგის გუნდები ხვდებიან.

ვერცხლის ლიგაში მეორე ტური ავერსისა და ენერგო-პროს დაპირისპირებით დაიწყო, სადაც „მედიკოსებმა“ მეტოქე დამაჯერებელი ანგარიშის  სხვაობით 5:2 დაამარცხეს. ავერსის რიგებიდან  ჰეთრიკით  დავით  გითოლენდია გაოირჩა, რომელმაც გუნდს  სამი გოლი და ერთი საგოლე გადაცემა შესძინა. 

სუპერლიგის მეორე ტურის სადებიუტო შეხვედრაში კი საქართველოს ფოსტამ  ნატახტარი მარტივად, ანგარიშით 6:0 დაამარცხა, გამარჯვებული გუნდის  რიგებიდან  დუბლი გიორგი ხმალაძის ანგარიშზეა. 

სუპერლიგისა და  ვერცხლის  ლიგის მატჩების გარდა ოლიმპიურმა  სასახლემ ბრინჯაოს ლიგის შეხვედრასაც უმასპინძლა.

მესამე  ტურის  მატჩში, M2,  ზოომარტ-ფიტნეს სთორს დაუპირისპირდა, დაძაბულ და  სანახაობრივ მატჩში, გუნდებმა ქულები გაიყვეს  და  ფრედ 3:3 ითამაშეს.

M2 შეხვედრას  ორჯერ აგებდა, თუმცა გიორგი ნემსაძემ ეფექტური თამაშით შეხვედრის გადარჩენა შეძლო.

 სათამაშო დღის ბოლოს  ფუტსალის ლიგა ორის  ორი შეხვედრა გაიმართება.