საქართველოს  ფუტსალის  ლიგის XIX ტურმა, რომელმაც  სტარტი  ქუთაისში  აიღო,  თბილისის  ოლიმპიურ სასახლეში  გაგრძელდა. სანახაობრივი  გამოდგა  შეხვედრა  აგორასა და  თბილისს შორის, მატჩი „ფინანსისტების“ გამარჯვებით  2:1  დასრულდა. გამარჯვებული  გუნდის  რიგებიდან  გოლები  გიორგი   ჩიმაკაძისა და  ლაშა  სიგუნავას  ანგარიშზეა, ხოლო  თბილისიდან  ერთადერთი გატანილი  გოლით ნუკრი  წოწკოლაურმა  იმარჯვა.

sbm.ge  გთავაზობთ მატჩის  შემდგომ  კომენტარებს

ნუკრი წოწკოლაური, თბილისი: „ ძალიან  რთული თამაში  იყო,ძლიერი მეტოქე  გვყავდა, აგორა  ძალიან  კარგი გუნდია. ყველაფერი  ჩავდეთ  ბიჭებმა  მაგრამ ვერ  მოვახერხეთ  შეხვედრის  მოგება,  გვქონდა  ბევრი  მომენტი  რომლის  რეალიზებაც  ვერ  შევძელით.“

 ჯანო გიორგაია, აგორა: „ თბილისი აუტსაიდერი  გუნდია, მართალია  ოთხეულში  ვერ მოხვდა, მაგრამ ვფიქრობ, რომ  დღეს   ძალიან  კარგად  ითამაშეს.   მიგვყავდა   თამაში,  თუმცა  მეტოქის  გოლმა    თამაში   ძალიან  დაძაბა. შემდეგ  ტურში  უკვე  გაირკვევა   ვის  შევხვდებით პლეი-ოფში, თუმცა  ვფიქრობ, რომ  1/4 ფინალში ყველა  გუნდს  თანაბარი  შანსები  აქვს.

დღის  პირველ  შეხვედრაში აფხაზეთი  და  ბსუ-ს დაუზავდა 2:2. ტატიშვილმა  კი მასპინძელ  მართვეს 9:0 აჯობა.