8 ნოემბერს თბილისის ოლიმპიურ სასახლეში ფუტსალის ლიგა 3-ის შეხვედრები გაიმართა.

 

მეორე ტური “ილიაუნისა” და “ტფილისის” მატჩით გაიხსნა.

 

“ტფილისელებმა” მატჩი ანგარიშით 5:7 მოიგეს და სეზონში მეორე გამარჯვება მოიპოვეს.

 

პირველი ნახევრის მოგება “უნივერსიტეტელებმა” 3:2 ანგარიშით შეძლეს. მეორე ტაიმის 23-ე წუთზე გიორგი წიქვაძემ ჰეთრიქი შეასრულა და საკუთარი გუნდი 2 ბურთიანი უპირატესობით გაიყვანა წინ. ტფილისელებმა მეტოქეს შესანიშნავი 10 წუთეული შესთავაზეს, გუნმდა მიჯრით 5 ბურთის გატანა მოახერხა - 4:7.

 

თამაშის მიწურულს კაციტაძემ პოკერი შეასრულა თუმცა თამაშის გადარჩენა ვეღარ მოხერხდა. ს.ა - 5:7.

 

“ბსუ” VS “ბრიჯი” - 2:5

 

“ბრიჯმა” სეზონში პირველი გამარჯვება “ბათუმელებთან” მოიპოვეს. 

 

გუნდმა ორივე ტაიმი თანაბარ დონეზე ჩაატარა და 3 ქულის აღება მარტივად შეძლეს. ანგარიში მე-7 წუთზე ილია ჭარაქაშვილმა გახსნა, მე-14 და მე-18 წუთებზე კი გიორგი კანკიამ გაიტანა - 0:3. “ბსუ”-დან პირველი გოლის გატანა ნიკოლოზ ბლადაძემ შეძლო.

 

მეორე ტაიმში გიორგი კანკიამ კიდევ ორი გოლი გაიტანა და შეხვედრის ბედი გადაწყვიტა.  ს.ა - 2:5.

 

სადებიუტო სეზონში “ბრიჯმა” პირველი სამო ქულა მოიპოვა. 

“ბსუ” ცხრილში ჯერჯერობით ქულის გარეშეა.

 

მატჩის საუკეთესო მოთამაშე - გიორგი კანკია! (პოკერი)

 

დაძაბული და სანახაობრივი გამოდგა “თსუ 2”-სა და “ბაქსვუდს” შორის გამართული შეხვედრა. მატჩში 2 წითელი ბარათი, ხუთი 10-მეტრიანი დარტყმა და 14 გატანილი გოლი ვიხილეთ.

 

პირველმა ნახევარმა “თესეუელთა” უპირატესობით ჩაიარა, გუნდმა 3 გოლის გატანა მოახერხა და ამის გარდა კიდევ 4-ჯერ,  10-მეტრიანი ნიშნულიდან შეეძლოთ უპირატესობის გაზრდა. მე-9 წუთზე ბაქსვუდელთა მეკარე, დემეტრე ჩხაიძე გააძევეს.

 

ჩხაიძის ნაცვლად პარკეტზე ბუბუ ჯიშკარიანი გამოვიდა, რომელმაც 3-ჯერ მოახერხა 10-მეტრიანი დარტყმის მოგერიება!

 

შესვენებაზე გუნდები 3:1 ანგარიშით გავიდნენ.

 

მეორე პერიოდში დაბრუნებულმა ბაქსვუდმა განსხვავებული თამაში შემოგვთავაზა. გუნდი მეტად აქტიური გახდა შეტევით ფაზაში, შედეგად მოწინააღმდეგის კარი 7-ჯერ აიღეს, უკან კი მხოლოდ 3 მიიღეს! 

 

ს.ა. - 6:8.

MVP - ირაკლი ქარჩავა! (პოკერი)

 

ბაქსვუდმა ცხრილში პირველი სამი ქულა მოიპოვა.

 

ტურის დასკვნით შეხვედრაში “ევროპის უნივერსიტეტმა” 11:3 დაამარცხა “გრანდ ავლაბარი”.

 

პირველ ნახევარში “EU”-მ მხოლოდ 3 გოლის გატანა მოახერხა, ერთი კი უკან მიიღო. შესვენებაზე საბრძოლო ანგარიშით გავიდნენ გუნდები, თუმცა მეორე ნახევარში “EU”-მ მეტოქე ყველა კომპონენტში დაჯაბნა და 8 გოლის გატანაც მოახერხა.

 

თავისი პირველი 3 ქულა მოიპოვეს “უნივერსიტეტელებმაც.

 

მატჩის საუკეთესო მოთამაშე დავით ბაბუციძე გახდა.

 

ფუტსალის ლიგა 3-ის მე-3 ტური, 13 ნოემბერს თბილისის ოლიმპიურ სასახლეში დაიწყება და 16 ნოემბერს, ბათუმის სპორტის სასახლეში დასრულდება.