5 ივნისს თბილისის ოლიმპიურ სასახლეში ფუტსალის ახალგაზდრული ლიგის დასკვნითი და ყველაზე დაძაბული მომენტის დრო დადგა.

მიმდინარე სეზონის ჩემპიონობისთვის „სასკოლო აკადემია 2“ და „მცხეთის პირველი საჯარო სკოლა“ იბრძვიან. სერიის პირველი თამაშში „აკადემიელებმა“ 9:3 იმარჯვეს.

პირველი ნახევარი „სასკოლოს გუნდმა“ მინიმალური სხვაობით, 2:1 იმარჯვა.

პირველი გოლის გატანა ალექსანდრე მარჩენკომ მოახერხა, ხოლო შემდეგ დაჩი ბუცხრიკიძის დუბლი ვიხილეთ. 35-ე წუთისთვის ანგარიში 4:3 გახლდათ და საკმაოდ დაძაბული თამაში მიმდინარეობდა.

მატჩის გარდამტეხი ბოლო 5 წუთი გამოდგა, როცა „აკადემიამ“ მიჯრით 5 გოლის გატანა მოახერხა და შედეგად სერიაში დაწინაურება.

აღსანიშნავია რომ, დაჩი ბუცხრიკიძემ 5 გოლის გატანა მოახერხა და მატჩის საუკეთესო ფეხბურთელადაც დასახელდა!

გუნდების მეორე მატჩი 10 ივნისს, 19:00 საათზე გაიმართება.

პირდაპირი ტრანსლაციის ხილვას კი SBM.GE-ზე შეძლებთ.

„UG SCHOOL” VS „ქვემო ქართლი“ – 6:3.

მესამე ადგილისთვის შეხვედრაში პირველი გამარჯვება „იუჯი სკოლამ“ მოახერხა. პირველ ნახევარში გუნდმა 4:1 იმარჯვა და მეორე ტაიმს კომფორტული უპირატესობით შეხვდა.

პირველ ტაიმში სანდრო ღარიბოვმა „ქართლელების“ მიერ ორი 10 მეტრიანი დარტყმის მოგერიება მოახერხა.

27-ე წუთისთვის „იუჯი“ 6:1 იგებდა და მოპოვებული სხვაობის ბოლომდე მიყვანა გუნდს აღარ გაუჭირდა.

ს.ა. 6:3.

MVP - ალექსანდრე კარბაია!

სერიის მეორე შეხვედრა 10 ივნისს, თბილისის ოლიმპიურ სასახლეში გაიმართება.

მატჩი 17:00 საათზე დაიწყება და მსგავსად ფინალისა, ამ მატჩის პირდაპირ ტრანსლაციასაც SBM.GE-ზე შეძლებთ.