24 აპრილს თბილისის ოლიმპიურ სასახლეში ფუტსალის ახალგაზრდული ლიგის რეგულარული სეზონის დასკვნითი, მე-14 ტურის 4 შეხვედრა გაიმართა.

დღის პირველი დაპირსპირება „კომაროვსა“ და „ბაქსვუდის სკოლა“-ს შორის შედგა.

ანგარიში ალიკ სარქისიანმა ძლიერი დარტყმის შედეგად გახსნა, რასაც პირველივე ნახევარში კონსტანინე სამუშიას გოლი მოჰყვა და „ბაქსვუდელებმა“ ტაიმი 0:2 იმარჯვეს. მეორე ნახევარში „კომაროვი“ მეტად გააქტიურდა, შედეგად გუნდმა 36-ე წუთზე ერთი გოლი გაქვითა.

მატჩში „ინტრიგა“ დაბრუნდა, თუმცა ბოლო წუთზე ალიკ სარქისიანმა დუბლი შეასრულა და საკუთარ გუნდს 3 ქულა გაუფორმა.

MVP - ალიკ სარქისიანი.

„ბაქსვუდის სკოლა“-მ რეგულარული სეზონი მე-7 პოზიციაზე, 14 ქულით დაასრულა.

„კომაროვმა“ ცხრილში ბოლო პოზიცია 4 ქულით დაიკავა.

თავისი შეხვედრა მოიგეს „მცხეთელებმა“, რომლებიც „ქვემო ქართლს“ დაუპირისპირდნენ. პირველი ნახევარი 4:2 ანგარიშით დასრულდა. პირველ 20 წუთში დაჩი კაპანაძემ დუბლი შეასრულა, ალექსანდრე მარჩენკომ და გიორგი ნონეშვილმა კი თითო გოლი გაიტანეს.

„ქართლელების“ რიგებიდან დუბლით თავი ლადო ჩიმაკაძემ იჩინა. მეორე ტაიმის 24-ე წუთზე ბაჩო რეხვიაშვილმა სხვაობა 1-მდე შეამცირა, მაგრამ მალევე კაპანაძემ ჰეთრიქი გაიფორმა და გუნდს 2 ბურთიანი უპირატესობა დაუბრუნა - 5:3.

თამაშის ბოლო გოლი მიხეილ ჩალათაშვილის ანგარიშზეა და შეხვედრაშიც აღარაფერი დარჩა გასარკვევი - 6:3.

MVP - დაჩი კაპანაძე.

„მცხეთის პირველმა საჯარო სკოლამ“ ცხრილში მეორე ადგილი 32 ქულით დაიკავა. „ქვემო ქართლი“ კი მე-6 ადგილს 15 ქულით დასჯერდა.

„გრანდ ავლაბარი 2“ VS „UG SCHOOL” – 7:4.

თამაშის პირველი პერიოდი „იუჯი სკოლის“ გამოდგა, გუნდმა 0:2 იმარჯვა და შესვენებაზე 2 ბურთიანი უპირატესობით გავიდა. 23-ე წუთისთვის „ავლაბრელებმა“ ანგარიშში წონასწორობა აღადგინეს - 2:2.

31-ე წუთზე დავით ზანგალაძის გოლით წინ გასვლაც მოახერხეს - 3:2.

1 წუთიან მონაკვეთში ლიდერი კვლავ შეიცვალა, ნიკოლოზ ბოკერიამ და მიხეილ ტონოიანმა „იუჯი“ კიდევ ერთხელ დააწინაურეს - 3:4.

თამაშის ბოლო ხუთმა წუთმა სრულად „ავლაბრის“ უპირატესობით ჩაიარა, გუნდმა 4 გოლი გაიტანა და რეგულარული სეზონი გამარჯვებით დაასრულეს.

ს.ა. – 7:4.

MVP - გიორგი ბაბაიანი.

ტურის დასკვნით მატჩში „SL ACADEMY 2” „ლოგოსს“ შეხვდა და მოწინააღმდეგე 6:2 დაამარცხა. „აკადემიელებმა“ მიჯრით 4 გოლი გაიტანეს და პირველ ნახევარში დიდი უპირატესობა მოიპოვეს.

„ლოგოსიდან“ თავი ტურნირის საუკეთესო გამტანმა, ლევან ბენდელიანმა იჩინა - 4:1.

დარჩენილ დროში „სასკოლოს“ მოთამაშეებმა კიდევ 2 გაიტანეს და რეგულარული სეზონის ჩემპიონობა გაიფორმეს.

ს.ა. – 6:2.

ახალგაზრდული ლიგის პლეიოფური ეტაპი 30 აპრილს დაიწყება.

¼ ფინალის ოთხივე შეხვედრა ხუთშაბათს, თბილისის ოლიმპიურ სასახლეში გაიმართება.