18 და 19 იანვარს თბილისის ოლიმპიურ სასახლეში, ფუტსალის ახალგაზრდული ლიგის მე-4 ტურის 4 შეხვედრა გაიმართა.

„კომაროვი“ VS „ქვემო ქართლი“ – 1:5.

მარტვი 3 ქულის ჩაწერა მოახერხა „ქვემო ქართლმა“, რომელმაც „კომაროვი“ 4 ბურთიანი უპირატესობით დაამარცხა.

ანგარიში „კომაროველთა“ კაპიტანმა, დემეტრე კუხალაშვილმა გახსნა, თუმცა შემდეგ გუნდმა 5 უპასუხო გოლი მიიღო საკუთარ კარში.

„ქვემო ქართლი“ მეორე პოზიციაზე 9 ქულით იმყოფება და მხოლოდ 1 ქულა აშორებს პირველ ადგილთან.

რაც შეეხება „კომაროვს“ გუნდი ბოლოს წინა პოზიციაზე 0 ქულითაა.

„UG სკოლა“ VS „ლოგოსი“ – 6:9.

დაძაბული და უხვგოლიანი  გამოდგა „იუჯის სკოლის“ და „ლოგოსის“ დაპირისპირება.

პირველი ნახევარი „ლოგოსელებმა“ 3:4 იმარჯვეს, მეორე კი 3:5.

5 გოლი გაიტანა ლევან ბენდელიანმა, რომელსაც განვლილ 4 ტურში უკვე 19 გოლი აქვს გატანილი და ჩემპიონატის ერთპიროვნული ლიდერია.

მეტოქე გუნდიდან ჰეთრიქი შეასრულა ნიკოლოზ ხურცილავამ.

„ლოგოსმა“ ამ გამარჯვებით პირველ პოზიციაზე გადასვლა შეძლო.

„მცხეთის პირველი საჯარო სკოლა“ VS “SL ACADEMY2” – 5:9.

„სასკოლოს ბიჭებმა“ „მცხეთელების“ დამარცხება შეძლეს, რითაც მეტოქეს პირველი ადგილი დააკარგვინეს.

პირველი ტაიმი 2:4 დასრულდა, ხოლო მეორე ნახევარი 3:5.

ჰეთრიქის შესრულება შეძლო მცხეთელთა ბომბარდირმა, დაჩი კაპანაძემ.

„აკადემიელთა“ მხრიდან დემეტრე სვანიძემ და დაჩი ბუცხრიკიძემ გაიტანეს 2-2 გოლი, ლაზარე ჯავაშვილმა კი გოლთან ერთად სამი საგოლე გადაცემა შეასრულა.

„SL ACADEMY 2” სატურნირო ცხრილში მე-4 პოზიციაზე, 7 ქულით იმყოფება.

„მცხეთა“ ცხრილში მე-3 პოზიციაზე 9 ქულითაა.

მატჩის საუკეთესო მოთამაშეებად დაჩი კაპანაძე და ლაზარე ჯავაშვილი დასახელდნენ.

„გრანდ ავლაბარი 2“ VS „ბაქსვუდის სკოლა“ – 5:1.

დამაჯერებელი გამარჯვება მოიპოვა „ავლაბარმა“ „ბაქსვუდის სკოლასთან“ და 3 ქულა ჩაიწერა აქტივში.

თამაშის პირველი 3 გოლი გიორგი არაბულმა შემოგვთავაზა, შემდეგ იყო დავით ზანგალაძის და მათე გოგოხიას თითო გოლი.

„ბაქსვუდიდან“ ერთადერთი გოლის ავტორი ლუკა თანდილაშვილია.

მატჩის საუკეთესო მოთამაშე - გიორგი არაბული.

„ბაქსვუდის სკოლა“ ცხრილში მე-6 ადგილზე იმყოფება 4 ქულით, „გრანდ ავლაბარი 2“ კი მე-5 პოზიციას იკავებს 7 ქულით.

ახალგაზრდული ლიგის მე-5 ტურის შეხვედრები 25 იანვარს, თბილისის ოლიმპიურ სასახლეში გაიმართება.