1 და 2 ნოემბერს, თბილისის ოლიმპიურ სასახლეში ფუტსალის ლიგა 2-ის, მე-3 ტურის შეხვედრები გაიმართა.

მიმოვიხილოთ სამივე შეხვედრა, გატანილი გოლები, შეხვედრების საუკეთესო მოთამაშეები და შედეგები...

მაშ ასე, ტურის გახსნით მატჩში ერთმანეთს „რუსთავი“ და „FLC03-2” დაუპირისპირდნენ.

მატჩი საკმაოდ დაძაბული და საინტერესო გამოდგა. ორივე ტაიმი ინტერვალური უპირატესობებით მიმდინარეობა, თუმცა პირველ ნახევარში მიუხედავად ბევრი მომენტისა, მაყურებელს გოლი არ უნახავს.

მეორე 20 წუთის ათვლიდან 5 წუთი იყო გასული, როცა დავით ქერდიკაშვილმა „რუსთაველები“ დააწინაურა.

გოლის გაშვებიდან კი უმალვე გაათანაბრა ანგარიში ილარიონ ფიფიამ 1:1.

თამაშის ტემპი კიდევ უფრო გაიზარდა და გადამწყვეტი გოლი ალექსანდრე ტურიაშვილის აღმოჩნდა, რომელმაც 38-ე წუთზე გაიყვანა კიდევ ერთხელ საკუთარი გუნდი წინ.

ს.ა. 2:1.

MVP- გიორგი ნადირაძე! (მეკარე)

MVP- ილარიონ ფიფია! (უნივერსალი)

ტურის მეორე დაპირისპირება „UG 2”-ს და „ქუთაისს“ შორის შედგა.

„ქუთათურთა“ კაპიტანმა, ბაკურ გულუამ სეზონში მეორე გოლი გაიტანა და გუნდი დააწინაურა. სწორედ ამ გოლით მოიგო „ქუთაისმა“ ტაიმი.

მეორე პერიოდში მეტად აქტიური „UG” ვნახეთ.  24-ე წუთზე თენგიზ პატარაიამ წონასწორობა აღადგინა, ხოლო 30-ე წუთზე ლევან იახტნიშვილმა წინ გაიყვანა გუნდი.

მალევე ვნახეთ გულუას გადაცემის შემდგომ  გიგლა ფურცხვანიძეს გოლი - 2:2.

ბოლო 10 წუთში ორივე გუნდი თამაშში იყო დარჩენილი, მაგრამ გადამწყვეტი უპირატესობა მაინც „უნივერსიტეტელებმა“ მოიპოვეს. პატარაიას და იახტნიშვილის დუბლით საბოლოო ანგარიში 4:2 დაფიქსირდა.

MVP- ლევან იახტნიშვილი!

MVP- ბაკურ გულუა!

დასკვნით და ამასთან ერთად ცენტრალურ შეხვედრაში „თსუ“-მ „ბსსა“ დიდი სხვაობით დაამარცხა და ცხრილში პირველ პოზიციაზეც გადაინაცვლა.

მატჩის სტარტი „ბათუმელებისთვის“ შესანიშნავი გამოდგა, მე-3 წუთისთვის გუნდი უკვე 0:2-ს იგებდა.

პირველ ნახევარში მეტად ბრძოლისუნარიანი თამაში მიმდინარეობდა. მე-11 წუთისთვის ანგარიში 3:3 იყო, თუმცა ამის შემდეგ „თესეუელებმა“  8 უპასუხო გოლის გატანა შეძლეს მოწინააღმდეგის კარში!

პირველი ნახევარი - 6:3.

მეორე ნახევარი - 5:0.

ლაშა ხარაიშვილის, ვახტანგ დადიანის და რომან კუხიანიძის დუბლიც ვიხილეთ.

მატჩის საუკეთესო ფეხბურთელად კი რომან კუხიანიძე იქნა დასახელებული!

მე-4 ტურის სამივე შეხვედრა 11 ნოემბერს გაიმართება, თბილისის ოლიმპიურ სასახლეში.