ფუტსალის ახალგაზრდული ლიგის მე-12 ტურის შეხვედრები 29 და 30 მარტს, თბილისის ოლიმპიურ სასახლეში გაიმართა!

მე-12 ტურის პირველ შეხვედრაში ერთმანეთს გრანდ ავლაბარი და ბეტისის აკადემია დაუპირისპირდნენ. „ბეტისმა“ კარის მშრალად შენახვა და დამაჯერებელი გამარჯვების მოპოვება მოახერხა (0:5).

ანგარიში გიორგი ნოზაძემ, დავით ყულიაშვილის გადაცემის შემდეგ გახსნა. „ბეტისელებმა“ პირველ ნახევარში კიდევ ორი ბურთის გატანა მოახერხეს მოწინააღმდეგის კარში და შესვენებაზე 0:3 ანგარიშით გავედით. მეორე ნახევარში 30-ე წუთისთვის „ნომინალური მასპინძლები“ უკვე 0:5-ს იგედბნენ და მატჩის ბედიც დიდწილად გადაწყვეტილი იყო!

შეხვედრის საუკეთესო მოთამაშედ საბა მორჩილაძე დასახელდა, რომელმაც  კარის მშრალად შენახვა მოახერხა! „ბეტისისთვის“ ეს გამარჯვება მიჯრით მე-4 იყო!

მეორე შეხვედრა - „სულაქველიძის აკადემია“ VS „დუშეთი“.

მატჩის საწყის წუთებში „აკადემიელები“ უკეთესად გამოიყურებოდნენ და თეიმურაზ კრავეიშვილმა საკუთარი გუნდი მე-2 წუთზე დააწინაურა. მე-9 წუთზე ცოტნე ქავთარაძემ ანგარიში გაათანაბრა და უპირატესობაც „დუშეთმა“ მოიპოვა. პირველ ტაიმის მიწურულს კიდევ ერთი გოლი ვიხილეთ, რომელიც ანდრია ქავთარაძის ანგარიშზეა, შესაბამისად „დუშეთელებმა“ ტაიმის მოგება მაინც მოახერხეს. 33-ე წუთისთვის „დუშეთი“ უკვე 3 ბურთიანი უპირატესობით იგებდა 1:4.

შეხვედრაში დუბლის შესრულება ცოტნე ქავთარაძემ, რომა ხუხიამ და გიორგი არაბულმა შეძლეს. ასევე მატჩში ვიხილეთ ნაჩვენები წითელი ბარათი, (2 ყვითელი) რომელიც თეიმურაზ კრავეიშვილს ეკუთვნის. შეხვედრის საბოლოო ანგარიში - 3:6!

MVP - ილია გეწაძე! ( თსსა )

MVP - გიორგი ქავთარაძე! ( დუშეთი )

მესამე შეხვედრაში ერთმანეთს კომაროვი და ლოგოსი დაუპირისპირდნენ, სადაც ლოგოსის წაუგებელი სერია გაგრძელდა. ოთარ ქარჩავას გატანილი გოლით გავხსენით მატჩში ანგარიში და შესვენებაზეც სწორედ ამ ერთადერთი გატანილი ბურთით გავედით. შეხვედრას შედარებით დაზვერვითი ხასიათის სახე ჰქონდა „კომაროველთა“ მხრიდან. გუნდი კარის დაცვაზე უფრო მეტად აკეთებდა კონცენტრაციას, ამიტომ ვიხილეთ პირველ ტაიმშიც მხოლოდ 1 გოლი.

24-ე წუთზე გიგა გამრეკელმა საგოლე გადაცემას გოლიც დაამატა და „ლოგოსის“ უპირატესობა 2 ბურთიანი გახდა. მატჩის ბოლო წუთზე მოახერხა დემეტრე კუხალაშვილმა „ლოგოსის“ კარში გოლის გატანა, თუმცა გუნდს საკმარისი დრო აღარ დარჩა გასათანაბრებლად და 3 ქულის მოპოვებაც „ლოგოსმა“ მოახერხა!

„ლოგოსი“ ზედიზედ მე-9 თამაშია დაუმარცხებელია.

შეხვედრის საუკეთესოებად ნიკა ქარცივაძე და გიგა გამრეკელი დასახელდნენ!

ტურის დასკვნით შეხვედრაში ერთმანეთის წინააღმდეგ „ბაქსვუდის სკოლა“ და „SL ACADEMY 2” იყვნენ. თამაშის დაწყებამდე გამოკვეთილი ფავორიტი, ცხრილის სათავეში მყოფი „აკადემია“ იყო. პირველ ნახევარში მხოლოდ 2 გატანილი გოლი ვიხილეთ, რომელიც დემეტრე სვანიძეს და ნიკოლოზ გოგოხიას ეკუთვნით. ამასთან ერთად გამოსარჩევი იყო „ბაქსვუდელთა“ მეკარე, რომელმაც ბევრ შემთვევაში მოახერხა გუნდის გადარჩენა!

მეორე ტაიმში „აკადემიელთა“ უპირატესობა კიდევ უფრო გაიზარდა, ნიკოლოზ გოგოხიამ პოკერის შესრულებაც მოახერხა, მასთან ერთად დუბლით გამოირჩა დაჩი ცალუღელაშვილიც. „ბაქსვუდიდან“ დუბლის შესრულება ნიკოლოზ დიხამინჯიამ მოახერხა! ს.ა. 2:8!

მიუხედავად გაშვებული 8 გოლისა, ნიკო ფარულავამ შეხვედრა მაღალ დონეზე ჩაატარა, მოახერხა 10 მეტრიანის მოგერიებაც და საკუთარი გუნდიდან საუკეთესო მოთამაშედაც სწორედ ის დასახელდა. „სასკოლო აკადემიიდან“ საუკეთესო მოთამაშედ დაჩი ცალუღელაშვილი გამოირჩა !

ახალგაზრდული ლიგის მე-13 ტურის შეხვედრები 9 აპრილს, თბილისის ოლიმპიურ სასახლეში გაიმართება!