29 მარტს, თბილისის ოლიმპიურ სასახლეში ფუტსალის ლიგა 3-ის 1/2 ფინალური შეხვედრები გაიმართა. "UG2"-მა "EU"-სთან დაძაბულ შეხვედრაში "დააქამბექა", 4-3 იმარჯვა და სერიაში ანგარიში წაიყვანა. 

მატჩის სტარტი უკეთესი „EU”-ს გამოუვიდა, მე-2 წუთზე ვახტანგ კუსიანმა საკუთარი გუნდის დაწინაურება შეძლო. მე-7 წუთზე ნიკა კუპრავიშვილს გააქვს და ანგარიშს ათანაბრებს! პირველი ნახევრი თანაბარ ბრძოლაში ჩავატარეთ, ორივე გუნდი ქმნიდა საკუთარ მომენტს, თუმცა გოლი აღარ გასულა და შესვენებაზეც საბრძოლო ფრით (1:1) გავედით!

მეორე ტაიმში უპირატესობა „ევროპის უნივერსიტეტმა“ მოიპოვა, 2 წუთიან ინტერვალში გიორგი ცირღილაძემ დუბლის შესრულება მოახერხა და გუნდს 2 ბურთიანი გაქცევა მოუტანა. „EU”-ს  უპირატესობამ დიდი ხანი ვერ გასტანა, შაკო გუგუნავამ 1 წუთში ორი გოლის გატანა და ანგარიშის გათანაბრება მოახერხა!

შეხვედრის დასრულებამდე 10 წუთი იყო დარჩენილი, ანგარიში კი ბოლო წუთამდე აღარ შეცვლილა...

დამატებით დროსთან ძალიან ახლოს ვიყავით, თუმცა მე-40 წუთზე კუთხურიდან გათამაშებული ბურთის შემდეგ, შაკო გუგუნავა ასრულებს ჰეთრიქს (4:3) და საკუთარ გუნდს სერიაში აწინაურებს!

შეხვედრის საუკეთესოებად შაკო გუგუნავა და გიორგი ცირღილაძე დასახელდნენ!

გუნდების მეორე დაპირისპირება 5 აპრილს, 12:00 საათზე, თბილისის ოლიმპიურ სასახლეში გაიმართება. პირდაპირი ტრანსლაციის ხილვას SBM.GE-ზე შეძლებთ: UG2 vs EU