ფუტსალის ლიგა 2-ის რეგულარული სეზონი დასრულებულია,შესაბამისად გადავდივართ პლეი-ოფურ სივრცეში.

მოგეხსენებათ ¼ ფინალური ეტაპები სტარტს 3 მარტს აიღებს, მანამდე კი უფრო სიღრმისეულად „გავეცნოთ“ ჩვენს ოთხივე წყვილს.

მაშ ასე, პლეი-ოფის პირველი მატჩი - „ქუთაისი“ VS „თსუ 2“. პრინციპული დაპირისპირება, სადაც 2023 წლის სეზონის ფინალისტები, ამჯერად ნაადრევად „გადაეყრებიან“ ერთმანეთს!

2023 წელს თასი „თსუ 2“-ს დარჩა და რა თქმა უნდა „ქუთაისი“ რევანშის აღებას ეცდება.  „უნივერსიტეტელებს“ ანგარიშზე ამასთან ერთად პირველი, სადებიუტო სეზონის ოქროს მედლებიც „მოეპოვებათ“. მაშინ „თსუ 2“-მა ფინალში "ილიაუნი" დაამარცხა. რაც შეეხებათ „ქუთათურებს“, ისინი 2021/22 სეზონის ჩემპიონები არიან.

sbm.ge გთავაზობთ 1/4 ფინალური სერიის წინ მთავარი მწვრთნელების კომენტარებს:

გუნდებმა სეზონი მე-4 (ქუთაისი) და მე-5 (თსუ 2) ადგილებზე დაასრულეს.

„ქუთაისი“ - 7 მოგება, 1 ფრე, 6 წაგება - 22 ქულა.

„თსუ“ 2 – 6 მოგება, 2 ფრე, 6 წაგება - 20 ქულა.

„ქუთაისი“ - გიორგი ხუნდაძე - 16 გოლი (9 თამაში) / ბაკურ გულუა - 10 გოლი, 10 ასისტი (14 თამაში)

„თსუ 2“ - ილარიონ ფიფია - 9 გოლი (11 თამაში) / რომან კუხიანიძე - 6 ასისტი (5 თამაში)

გოლების თანაფარდობა შემდეგნაირადაა: „ქუთაისი“ 59 -54. „თსუ 2“ – 46-45.

გუნდები მიმდინარე სეზონში ერთმანეთს ორჯერ დაუპირისპირდნენ:

პირველი შეხვედრა (2-0) - ვიხილეთ ვახტანგ დადიანის დუბლი, 4 ყვითელი ბარათი და 1 წითელი ბარათი (ილია მაქსიმენკო).

მეორე შეხვედრა (2-1) - ირაკლი გვეტაძემ და ბაკურ გულუამ იჩინეს თავი „ქუთაისიდან“, „თსუ 2“-ში კი ლუკა გაგნიძემ მოახერხა 1 გოლის გატანა.

ამ გუნდების მეორე დაპირისპირება,რომელიც ქუთაისში შედგა, (2-1) ასახავს თუ რაოდენ დაძაბული სერია გვექნება!

„თსუ 2“ გასული წლის ფინალისტია!

„უნივერსიტეტელები“ ფინალში „დინამო თბილისს“ დაუპირისპირდნენ, ლიგა 2-ის თასი კი „დინამოელებს“ დარჩათ.

3 მარტს ქუთაისის სპორტის სასახლეში პირველი დაპირისპირება გაიმართება!