ბიზნესის ჩემპიონთა ლიგის 2023/24 წწ. სეზონის მეგობრობის თასი იწყება.

თასზე საკვალიფიკაციო ლიგის და გრანდ ლიგის მეოთხედფინალებში დამარცხებულ ხუთ გუნდთან ერთად ორი დებიუტანტი „ჯი არ სი“ და „ლაიონ ტრანსიც“ ითამაშებენ. მეგობრობის თასზე მოსახვედრი ბოლო, მერვე საგზური „ინვესტორსაინსა“ და „AMTS“-ს შორის გათამაშდა.

 სპორტ კომპლექს არენა 2-ში გამართულ მატჩში „ინვესტროსაინმა“ მეტოქე 6-4 დაამარცხა და თასზე თამაშის უფლება მოიპოვა.

„ინვესტორსაინი“ წინ მეხუთე წუთზე გავიდა. AMTS-მა წონასწორობა მალევე აღადგინა, მაგრამ ტაიმის დასრულებამდე მეტოქეს საგრძნობლად ჩამორჩა (5-1). შეხვედრის მეორე ნახევარში ანგარიშში სხვაობა შემცირდა, საბოლოოდ კი 6-4 დაფიქსირდა. გამარჯვებული გუნდიდან დუბლი გიგა ძნელაძემ და ლაშა ლაზარაშვილმა გაიფორმეს. AMTS-ის მხრიდან სამი ბურთი გიორგი თოთლაძემ გაქვითა.

ბიზნესის ჩემპიონთა ლიგის მეგობრობის თასი სტარტს არენა 2-ში 19 მაისს აიღებს. მეოთხედფინალურ ეტაპზე ერთმანეთს შემდეგი გუნდები დაუპირისპირდებიან:

„ტერაბანკი“ VS „ავერსი“

„მთავარი არხი“ VS “ჯი არ სი“

„ლაიონ ტრანსი“ VS „სფეისი“

„ინვესტორსაინი“ VS „შიშეჯამი“.