"ბათუმელებს" შორს ფუტსალის ლიგა 3-ის 2023/24 წწ. სეზონის ბრინჯაოს მედლებისთვის ბრძოლა დაიწყო. ბათუმის სპორტის სასახლეში გამართულ პირველ დაპირისპირებაში "ბათუმის სახელმწიფო საზღვაო აკადემიამ" "ბათუმის სპორტული ცენტრი" 7-3 დაამარცხა და სერიაში დაწინაურდა. 

"ელ მანდარინო" თავდაპირველად "BSC"-ს უპირატესობით წარიმართა და გუნდი საწყის სამ წუთში ორი უპასუხო გოლით იგებდა. ტაიმის დასრულებამდე მეტოქემ წონასწორობა აღადგინა და ანგარიში 2-2 გახადა. 

მეორე ნახევარში თამაში "ბსსა"-ს კარნახით გაგრძელდა. მატჩის განახლებისთანავე "სტუდენტები" წინ გაიჭრნენ. რაულ ჩიკიროვმა "თანაქალაქელებს" ოთხი გოლი გაუტანა და ბომბარდირთა სტატისტიკაში პირველადგილოსანს მიუახლოვდა, ჩიკიროვი გიორგი თოდუას ორი ბურთით ჩამორჩება. გუნდს გამარჯვებაში გოლით და ორი შედეგიანი გადაცემით ბესიკ ბალაძე დაეხმარა. 

"ბსც"-სა და "ბსსა"-ს შორის მესამე ადგილისთვის განმეორებითი დაპირისპირება 10 მაისს გაიმართება.