ფუტსალის ლიგის ფინალური სერია იწყება!

ყველა სიახლე
06 ივნისი 2017

ფუტსალის ლიგის ფინალური სერია იწყება!

დღეს, თბილისის ოლიმპიურ სასახლეში, საქართველოს ფუტსალის ლიგის 2016/17 წ.წ გათამაშების ფინალური ეტაპი აიღებს სტარტს. სერია, რომელიც ორ მოგებამდე გაგრძელდება, გაარკვევს თუ ვინ გახდება საქართველოს 2016/17 წ.წ ჩემპიონი და საპრიზო ადგილების მფლობელი.

სათამაშო დღე III ადგილისათვის მატჩით დაიწყება, რომელშიც ერთმანეთს მფკ თბილისი და მფკ აგორა დაუპირისპირდებიან. თუკი ეს უკანასკნელი ფუტსალის ლიგაში სადებიუტო სეზონს ატარებს, „დედაქალაქელები“ მოქმედი ბრინჯაოს პრიზიორის რანგში ხვდებიან ამ დაპირისპირირებას. რეგულარული სეზონი ორივე გუნდმა დამაკმაყოფილებლად განვლა, ეს განსაკუთრებით აგორაზე შეიძლება ითქვას, რომელმაც დებიუტის მიუხედავად, მესამე ადგილზე შეძლო სეზონის დასრულება და ½ ფინალურ სერიაში ერთ-ერთ ფავორიტს სტუ-თელასს საკმაო ბრძოლაც გაუმართა (0:2, 1:4), თუმცა ფინალში გასასვლელად კლასი და გამოცდილება არ ეყო. რაც შეეხება თბილისს, მათ საკმაოდ არადამაჯერებლად განვლეს სეზონი და მხოლოდ დასკვნით ეტაპზე შეძლეს თამაშის გაუმჯობესება და საბოლოოდ ბოლო ტურში გაინაღდეს კიდეც პლეი-ოფის საგზური. 1/2 ფინალში „დედაქალაქელები“ ფაქტიურად უშანსოდ იყვნენ უპირობო ფავორიტის - მფკ ტატიშვილის წინააღმდეგ (1:4, 3:7) და ახლა უკვე III ადგილის და ბრინჯაოს მედლების მოსაპოვებლად მოუწევთ ბრძოლა. ეს გუნდები ამ სეზონში ორჯერ დაუპირისპირდნენ ერთმანეთს, თუკი პრველ წრეში აგორამ მეტოქე უშანსოდ 8:1 დაამარცხა, მეორე წრეში შეხვედრა უაღრესად დაძაბული და საინტერესო გამოდგა და ფრედ 3:3 დასრულდა.  დღევანდელი დაპირისპირება 17:00 სთ-ზე დაიწყება.

06.06.2017. თბილისის ოლიმპიური სასახლე . III ადგილი

17:00  მფკ თბილისი - მფკ აგორა

 

როგორც მოსალოდნელი იყო, 2016/17 წ.წ სეზონის საქართველოს საუკეთესო ფუტსალის კლუბის ტიტულისთვის, მოქმედი ვიცე-ჩემპიონი მფკ სტუ-თელასი და ლიგის დებიუტანტი, თუმცა ჩემპიონობის მთავარი ფავორიტი, მფკ ტატიშვილი იბრძოლებენ.

გუნდებმა რეგულარული სეზონი დამაჯერებლად განვლეს. 18 თამაში, 17 მოგება და მხოლოდ და მხოლოდ ერთი ფრე - ასე შთამბეჭდავად გამოიყურება „მედიკოსების“ მონაგარი, რაც შეეხება „ენერეგეტიკოსებს“, ისინი ორჯერ დამარცხდნენ და ორჯერ დაასრულეს შეხვედრა ფრედ. აქედან თითო წაგება-ფრე, სწორედ დღევანდელი მეტოქის წინააღმდეგ, ერთხელ მოულოდნელად გაიყვეს ქულები აგორასთან, ხოლო სეზონის მიწურულს სენსაციური მარცხი იწვნიეს ბათუმში, ბსუ-ს წინააღმდეგ.  მიუხედავად ყველაფრისა, სეზონის განმავლობაში არავის შეპარვია ეჭვი მათი ფავორიტის სტატუსში. თავიანთი კლასი და გამოცდილება მათ კიდევ ერთხელ უკვე 1/2 ფინალებში დაამტკიცეს.  პირველი ფინალური დაპირისპირება დღეს 19:00 სთ-ზე აიღებს სტარტს.

06.06.2017. თბილისის ოლიმპიური სასახლე . ფინალი

19:00 მფკ ტატიშვილი - მფკ სტუ-თელასი

 

შეგახსენებთ, რომ III ადგილისათვის დაპირისპირება და ფინალიც, ორ მოგებამდე გაგრძელდება. განმეორებითი შეხვედრები 9 ივნისს გაიმართება. მატჩების პირდაპირი ტრანსლიაციების ხილვა, ტრადიციულად ვებ-გვერდ www.sbm.ge -ს საშუალებით იქნება შესაძლებელი.

 

ჩემპიონატის პარტნიორები და მხარდამჭერები არიან: სილკ უნივერსალი, სპორტული ბრენდი „SALLER”, “წყალი მარგებელი“, იურიდიული ჯგუფიერისთავი და პარტნიორები“, „ტატიშვილის სამედიცინო და სპორტული რეაბილიტაციის ცენტრი

მედია პარტნიორები: რადიოები, “თანამგზავრი 92,3“, „იმედი“, JAKO FM, „კომერსანტი“, ვებ-პორტალები, sportall.ge, worldsport.ge, sportstar.ge, adjarasport.com, mysports.ge, geosports.ge,  გაზეთილელოდა სპორტული ჟურნალიათიანი“.

 

სპორტული სააგენტო SBM-ისპრესსამსახური / sbm.ge



  © SBM, 2016-2024