თბილისის  ოლიმპიურ  სასახლეში  სათამაშო  დღე კავკასიის საერთაშორისო  უნივერსიტეტისა და   ჯვაროსნები 2-ის  დაპირისპირებით დასრულდა. რომელიც „სტუდენტებმა“ 9:3 მოიგეს. ამ შეხვედრის შემდეგ  გაირკვა  სუპერლიგის  თასის  ყველა  ნახევარფინალისტის  ვინაობა.  თასის  მომდევნო ეტაპზე ერთმანეთს  ნატახტარი -პსპ და  კსუ- ტვ  იმედი დაუპირისპირდება.  

ილია  მოდებაძე, კსუ: „საინტერესო  თამაში  იყო,  თავიდან დაძაბულად  წარიმართა,  მაგრამ საბოლოოდ  ჩვენმა  გუნდმა  გამარჯვება  მოახერხა.  მე  ამ გუნდში  ვთამაშობდი,  ვიცნობ მის  თითოეულ  მოთამაშეს .  რაც შეეხება  ნახევარფინალში ჩვენს  მეტოქეს  არ  მითამაშია  ამ  გუნდთან  არასდროს. არ  ვიცი  როგორი  თამაში იქნება, თუმცა  ჩვენ  მოსაგებად  გავალთ  და  ვიბრძოლებთ გამარჯვებისთვის.“