ფუტსალის ლიგა 2-ის 2023/24 წწ. სეზონის მეცამეტე ტურის შეხვედრები სპორტ კომპლექს არენა 2-ში „ქუთაისი 2“-ისა და „სეუ“-ს დაძაბული შეხვედრით გაგრძელდა.

გარდამავალ უპირატესობაში სტუმრებმა მეტოქე 4-2 დაამარცხეს და მეორე წრეში წაუგებელ სერიას აგრძელებენ.

მესამე წუთზე „სტუდენტები“ წინ ზაქრო მირზაშვილის გოლით გავიდნენ. „ქუთათურებმა“ წონასწორობა მალევე აღადგინეს და ტაიმის ბოლომდე სხვაობა ორ ბურთიანი გახადეს. ოცდამეოთხე წუთზე გიორგი ხუნდაძემ აქტივში მესამე გოლიც მიითვალა და „იმერლების“ უპირატესობა სამამდე გაიზარდა.  დარჩენილ დროში „სეუ“-მ ჩამორჩენა ლუკა ალანიას გოლით შეამცირა, მაგრამ საბოლოოდ შეხვედრაში ქულის აღება ვერ შეძლო.

Sbm.ge გთავაზობთ მატჩის შემდგომ კომენტარებს:

დავით დანელია, სეუ: „როგორც ყველა თამაშისთვის, მოსაგებად ვემზადებოდით, მაგრამ ხდება ხოლმე. UG-სთან უნდა მოვიგოთ აუცილებლად. გვაძლიერებს ეს მარცხი. მომენტები ვინც მეტად გამოიყენა, იმ გუნდმა მოიგო. ახალწვეულები ჰყავს გუნდს და შეკვრა სჭირდება. ისევ დაბრუნდება ის „სეუ“, რომელსაც გულშემატკივარი ელოდება. ჩვენ ჩემპიონობისთვის ვიბრძვით“.

გიორგი ხუნდაძე, ქუთაისი 2: „რთული მატჩი გამოვიდა. მოწინააღმდეგეს მადლობა ასეთი ლამაზი თამაშისთვის. ბრძოლა და თავდადება აჩვენა დღეს ჩვენმა გუნდმა. იმედი გვაქვს, რომ პლეი-ოფშიც წარმატებით ვიასპარეზებთ. ბოლო ტურია წინ და შევეცდებით წაუგებლად დავასრულოთ ეს წრე. ვიცოდით, რომ დაძაბული თამაში იქნებოდა. ვფიქრობ, თანაბარი ორთაბრძოლა იყო“.

სპორტ კომპლექს არენა 2-ში ლიგა 2-ის მეცამეტე ტურის სხვა შეხვედრებიც გაიმართება.