დღეს,  თბილისის  ოლიმპიური  სასახლე  კორპორატიული  თასის  მერვედფინალურ შეხვედრებს  მასპინძლობს.   ერთ-ერთ  ცენტრალურ  დაპირისპირებაში,  GWP-მ  საქართველოს  ბანკი   მინიმიალური ანგარიშის  სხვაობით  1:0  დაამარცხა. და 1/4 ფინალის  საგზური  მოიპოვა.

  შეხვედრა  დაძაბული და  სანახაობრივი  გამოდგა,  მატჩის  ერთადერთი  გოლი  26-ე წუთზე  გიორგი აკობიას  გადაცემით, მამუკა  ჭანუყვაძემ  გაიტანა.    

  sbm.ge გუნდების   კაპიტნებს  გაესაუბრა

ლაშა თურმანიძე (GWP) : „ძალიან დაძაბული  შეხვედრა  იყო,  საქართველოს  ბანკი  კარგი  გუნდია, ყოველწელს  გვიწევს  ერთმანეთთან თამაში  და  ყოველთვის  გვიჭირს  მოგება.  დღეს,  ჩვენს  გუნდს  უფრო  გაუმართლა, შესაბამისად  მომდევნო  ეტაპზე  ჩვენ  გავედით.“ 

ვახტანგ სირაძე (საქართველოს ბანკი): „ ძალიან დაძაბული შეხვედრა  იყო,  უხეში შეცდომის  გამო  დავისაჯეთ და  გოლი გავუშვით, მაგრამ არაუშავს  ფეხბურთია,  ყველაფერი  ხდება, მოწინააღმდეგე   ძალიან კარგი  გუნდია  უმაღლესი  დონის  მოთამაშეები ყავს, ვუსურვებ  წარმატებებს.“

კორპორატიული თასის  1/8 ფინალური  ეტაპის   პირველ შეხვედრაში   არმია   ვი თი ბი ბანკს   დაუპირისპირდა  და 1:0 დაამარცხა.

კორპორატიული  თასის გათამაშებაში  ოქროს  და  ვერცხლის  ლიგის საუკეთესო  16  გუნდი მონაწილეობს,  მომდევნო  ეტაპზე  გასული  გუნდის  ვინაობა ერთმატჩიან  დაპირისპირებაში  ირკვევა.  

თასის გათამაშების ბადე