1 ნოემბერს სასტუმრო ვინდჰამ გრანდში ბიზნესის ჩემპიონთა ლიგის საიუბილეო, მეთხუთმეტე სეზონის პრეზენტაცია გაიმართა.

ძირითად ტურნირში, სადაც გუნდები ლიგის რეიტინგის მიხედვით A და B ჯგუფში განაწილდნენ 9-9 მონაწილეა. 6 გუნდით არის დაკომპლექტებული საკვალიფიკაციო ლიგა. 35+ ასაკობრივი კატეგორიის გრანდ ლიგაში კი 4 გუნდი იასპარეზებს.

წილისყრის შემდეგ გუნდებს სატურნირო ცხრილში პირობითი ნომრები მიენიჭათ და პირველი ტურის წყვილები გამოვლინდა:

A ჯგუფი:

• კროკობეთი vs ჯორჯიან მანგანეზი;
• ნიკორა vs პატრული;
• არმია vs დიპლომატ ჯორჯია;
• საქართველოს ბანკი vs ბეთლაივი;

პირველ ტურს გამოტოვებს ბანკი ქართუ

B ჯგუფი:

• ენერგო-პრო vs ავერსი;
• აზოტი vs საქართველოს სახელმწიფო ელექტროსისტემა;
• ლიბერთი ბანკი vs NS Studio;
• ფარვანა vs DHL

პირველ ტურს გამოტოვებს მეამა

გრანდ ლიგა:

• ელპოზო vs McGill;
• არმია vs ბაქსვუდი

საკვალიფიკაციო ლიგა:

• მინა vs BMG;
• სანტე vs ჯაოკენი;
• ბაზისბანკი vs უკრაინა.

ცვლილებაა ძირითადი ჩემპიონატის ფორმატში. A და B ჯგუფში რეგულარული სეზონი ერთ წრედ წარიმართება. რის შემდეგაც, 8-8 საუკეთესო გუნდი მეოთხედფინალში განაგრძობს ასპარეზობას. A ჯგუფის პლეიოფში გამარჯვებულები სუპერლიგის ნახევარფინალში გადავლენ, წყვილში დამარცხებულები ოქროს ლიგის მოსაგებად იბრძოლებენ, ხოლო B ჯგუფში - გამარჯვებულები ვერცხლის ლიგის ნახევარფინალში კვალიფიცირდებიან, დამარცხებულები კი ბრინჯაოს ლიგის პრიზიორობისთვის ითამაშებენ.

A და B ჯგუფში დარჩენილი მეცხრეადგილოსნები საკვალიფიკაციო ლიგის 6 გუნდს შეუერთდებიან მეოთხედფინალურ ეტაპზე და ამ ლიგის ჩემპიონობისთვის იბრძოლებენ.

ბიზნესის ჩემპიონთა ლიგის 2022/23 წწ. სეზონი თბილისის ოლიმპიურ სასახლეში სტარტს 6 ნოემბერს აიღებს.