Sbm.ge გთავაზობთ ფინალის შემდგომ კომენტარებს:

დავით ლომაია, ბაქსვუდი: „პირველ რიგში, მივესალმები ასეთ ლიგას და ვფიქრობ, რომ ძალიან კარგი ტურნირი გამოვიდა. ჩვენი მიზანი ფინალში გასვლა იყო, მაგრამ ჩემპიონობას ვერ მივაღწიეთ. ფეხბურთია და ყველაფერი ხდება. თამაში ისეთი გამოვიდა, როგორიც ფინალს შეშვენის. დასანანია, ისეთი ანგარიშით წავაგეთ. ძალიან კარგად ითამაშა მეტოქემ და ვულოცავ. ვეცდებით შემდეგი წელი სასურველი შედეგით დავასრულოთ“.

გიორგი ვაშაკიძე, ბაქსვუდი: „ძალიან გულდასაწყვეტი მატჩი იყო. ვულოცავ არმიას ჩემპიონობას. ძალიან თანაბარი თამაში იყო ყველა კუთხით, სათამაშო უპირატესობით და მომენტებით. ამ თამაშის ბედი მსაჯების უპირატესობით გადაწყდა, რაც სამწუხაროა. ჯილდოს რაც შეეხება, სასიხარულოა მთელი წლის შრომის დაფასება, მაგრამ გუნდური ჯილდო ნამდვილად მერჩივნა, რასაც როგორც ჩვენ, ასევე ჩვენი მეტოქე ნამდვილად ვიმსახურებდით. შეიძლება ითქვას, ჩემპიონობა გამოგვაცალეს ხელიდან“.

ნადიმ კახაძე, არმია: „ძალიან დაძაბული მატჩი გამოვიდა. მოწინააღმდეგე გუნდი ძალიან კარგად მომზადებული იყო. ამას ჩვენ ვაფასებდით და ვიცოდით მათი შესაძლებლობები. ვცდილობდით მათი მინუსების დადებითად გამოყენებას. საბოლოო ჯამში, შევასრულეთ ჩვენი ამოცანა და გამარჯვება მოვიპოვეთ. რაც შეეხება წლევანდელ წელს, დებიუტანტები ვიყავით და მოახარული ვარ, რომ ჩემპიონები გავხდით. არ ველოდი საუკეთესო მოთამაშედ დასახელებას, ვფიქრობ, ჩემზე უკეთესებიც იყვნენ, მაგრამ შედეგმა გამოიწვია ეს ყველაფერი“.

მამუკა ამაშუკელი, არმია: „ძალიან დაძაბული თამაში იყო. პირველად ჩატარდა ეს ჩემპიონატი და პირველი გამარჯვებული ყოველთვის უფრო დასამახსოვრებელია. ემოციით სავსე ვართ ყველა. მოწინააღმდეგე საკმაოდ კარგად გამოიყურებოდა. ჩემი აზრით, ძირითადი დროის დასრულების შემდეგ პენალტებში სურდათ თამაშის გადაყვანა, მაგრამ ჩვენ გაგვიმართლა. გავიტანეთ ორი გოლი და გამარჯვებით დავასრულეთ ეს ტურნირი. მადლობელი ვარ ჯილდოს სახით შრომის დაფასებისთვის“.

თავდაცვის სამინისტროს გუნდი არმია მიმდინარე სეზონში მეგობრობის თასის გათამაშების ნახევარფინალშია და კიდევ ერთი ტიტულისთვის იბრძოლებს.