ირაკლი დევიძე, ნიკორა: „ძალიან დაძაბული და კარგი თამაში იყო, როგორც ფინალს შეეფერება. ველოდით ასეთ წინააღმდეგობას. მიხარია,  რომ ჩვენი გამარჯვებით დასრულდა შეხვედრა. ფინალს თავისი დაძაბულობა ჰქონდა, გოლიც ჩვენი შეცდომის გამო გავუშვით. მერე ცოტა რთულია გადაწყობა, მოწინააღმდეგეც მონდომებული იყო, მაგრამ გავუძელით და საბოლოო ჯამში დასრულდა კიდეც ჩვენი გამარჯვებით“.

ნიკა ჯოლოხავა, ნიკორა: „ანგარიშით და ყველაფრით ძალიან დაძაბული ფინალი გამოვიდა. კარგად დავიწყეთ პირველი ტაიმი, ვაჯობეთ მეტოქეს. შევქმენით მომენტები და მაქსიმალურად გამოვიყენეთ. მეორე ტაიმში, რაღაც პერიოდი ავირიეთ, მაგრამ ვიპოვეთ ძალა. გარდამტეხი მომენტი ალბათ მესამე გოლი იყო, რომელმაც თამაშზეც იმოქმედა. ვფიქრობ, დამსახურებულად გავიმარჯვეთ. ძალიან გახარებული ვარ პირადი ჯილდოთი. რაღაცას რომ აკეთებ და გიფასდება ამაზე კარგი არაფერია და დიდი მადლობა ამ ყველაფრის ორგანიზებისთვის“.

ნიკორა რიგით მეთორმეტე გუნდია, რომელიც ვერცხლის ლიგის ჩემპიონი გახდა.