მიქსორი ბრინჯაოს ლიგის ფინალისთვის ბაქსვუდთან იბრძოლებს!

ყველა სიახლე
20 ივნისი 2021

მიქსორი ბრინჯაოს ლიგის ფინალისთვის ბაქსვუდთან იბრძოლებს!

თბილისის ოლიმპიურ სასახლეში ბიზნესის ჩემპიონთა ლიგის პლეი ოფის მორიგი დაპირისპირებები ბრინჯაოს ლიგის მეოთხედფინალის განმეორებითი მატჩით დასრულდა. მიქსორმა ევროპაბეთთან მეორე თამაშიც მოიგო, ანგარიშით 8-2 და ნახევარფინალის საგზური მოიპოვა.

მიქსორი პირველ ტაიმში სამი ბურთით დაწინაურდა და დარჩენილ დროში უპირატესობა არ დაუთმია. გამარჯვებული გუნდიდან ალექსანდრე როსტიაშვილმა, ლევან კახობერაშვილმა და გიორგი ბალხამიშვილმა აქტივში 2-2 ბურთი მიითვალეს.

ბრინჯაოს ლიგაში მიქსორის ნახევარფინალური მეტოქე ბაქსვუდი იქნება, რომელმაც დიპლომატ ჯორჯია მძიმე ბრძოლაში, პენალტების სერიაში, დაამარცხა. ნიკორა კი მეიჯერელსა და NS Studio-ს წყვილის მოგებულს ეთამაშება, სადაც პირველ მატჩში უპირატესობა მეიჯერელმა მოიპოვა.

დღის სხვა შეხვედრაში კროკობეთმა ფარვანასთან დიდი სხვაობით, 10-0 მოიგო და ოქროს ლიგის მეოთხედფინალურ სერიაში დაწინაურდა. გამარჯვებული გუნდის რიგებიდან ჰეთრიკი ლევან კოპალიანმა და გიორგი ყაზარაშვილმა გაიფორმეს. ორი ბურთია გიორგი კუხალაშვილის სახელზე.

ვერცხლისა და ოქროს ლიგის მეორე ¼ ფინალური დაპირისპირებები თბილისის ოლიმპიურ სასახლეში 27 ივნისს გაიმართება. ბრინჯაოს ლიგის მომდევნო ეტაპზე გამსვლელი ბოლო გუნდის ვინაობაც 27 ივნისს გახდება ცნობილი.



  © SBM, 2016-2024