რეგულარული სეზონის ჩემპიონები "თსუ 2"-თან სერიაში დაწინაურდნენ!
ყველა სიახლე½ ფინალური ეტაპის მეორე შეხვედრაში ერთმანეთის წინააღმდეგ „ტფილისი“ და „თსუ 2“ იყვნენ. რეგულარული სეზონის ჩემპიონები სერიაში დამაჯერებლად დაწინაურდნენ!
შეხვედრაში ანგარიში ლაშა ჯიქიამ გახსნა, რასაც „ტფილისელთა“ მხრიდან საბა ეგრისელაშვილის და გეგა კოშაძის გოლებიც მოჰყვა. პირველ ნახევარში „ტფილისი“ მეტოქესთან შედარებით უკეთესად გამოიყურებოდა. მე-18 წუთზე ბურთი საკუთარ კარში გეგა კოშაძემ ჩაჭრა და პირველი ნახევარიც 3:1 ანგარიშით დავასრულეთ!
მეორე ტაიმის სტარტზე ლაშა ჯიქიამ დუბლის შესრულება მოახერხა, ამას მოჰყვა რომან კუხიანიძის მეორე ყვითელი ბარათიც და „უნივერსიტეტელების“ მდგომარეობა კიდე უფრო დამძიმდა. 29-ე წუთზე ვიხილეთ ლაშა ჯიქიას ჰეთ-თრიკი, მატჩის ბოლო წუთზე კი საბოლოო ანგარიში "ტფილისის" მეკარემ, ზაურ კოტრიკაძემ, საკუთარი ნახევრიდან გატანილი გოლით დააფიქსირა (6-1)!
მატჩის საუკეთესო ფეხბურთელებად ლაშა ჯიქია და გიორგი ხაბალაევი დასახელდნენ.
სერიაში ანგარიში „ტფილისმა“ წაიყვანა, მეორე დაპირისპირება კი 3 აპრილს, 14:00 - საათზე, თბილისის ოლიმპიურ სასახლეში შედგება. პირდაპირ ტრანსლაციას SBM.GE-ზე შემოგთავაზებთ: Tfilisi vs TSU2